На 16ти Октомври традиционално по 11ти пат маратонците трчаат во чест на Тоше, оддавајќи му почит према неговото дело и се она што тој го остави како аманет за сите почитувачи, фанови на неговиот лик. НУ „Спомен куќа на Тодор Проески“ заедно колективот се вклучува како и секогаш во чествувањето на ликот и делото на големиот наш Тоше. Свечен пречек на маратонците, полагање на свежо цвеќе на вечното почивалиште, откривање и поставување на пано со фотографија во природна големина во НУ како проект дел од Годишната програма за култура, спонзориран од Министерството за култура. Во НУ „Спомен куќа на Тодор Проески“ ќе се одржи целодневна креативна работилница на која учество ќе земат креативците од здружението за ракотворби „ЗУР“ , кои тематски ќе изработуваат дела за спомен куќата и Тоше.
Ги покануваме сите добронамерници, фанови, посетители, туристи, пријатели, почитувачи на ликот и делото на Тоше да го посетат музејот и активностите по повод чествувањето на 16ти Октомври.
